E hecho cu tin hopi interes pa tuma partido PPA over, no ta forma un presion internamente den e partido politico color oraño. Charles Bennett, miho conoci como Eddie, a confirma cu e mes ta lider na e momento aki y cu e lo lidera e partido den e siguiente eleccion di dia 25 di juni proximo. “Ta deseo di nos defunto lider Benny Nisbet pa nos sigui cu e partido y bay eleccion. Mi lo cumpli cu su ultimo deseo”, asina Eddie Bennett, un polis pensiona cu tin su mesun rijschool, a confirma awe.
Den e ultimo dianan aki tin rumornan fuerte coriendo cu lo tin dos ola den e partido. Un cu ta na fabor pa pasa e organisacion politico pa e comerciante Lisette Malmberg di De Palm Tours y e docente Sharleen Tromp. Nan kier a lanta un partido nobo, TRANSFORMA, pero tabata laat pa inscribi. Un otro ola ta na fabor di pasa e partido pa Marisol Lopez-Tromp, yiu di ex-lider Domi Tromp. “Aki den ta un ola tin y nos mes ta bay eleccion. Nos tin nos mesun hendenan, nos mesun directiva y mi mes lo lidera PPA den e siguiente eleccion”, asina Eddie Bennett a confirma, kibrando tur posibel rumor cu tabata circula.
Pa por lesa e articulo completo, lesa e edicion gratis di TREMPAN awe.
