Gregory Milliard den fin di siman a sali pa Uncasville, Connecticut unda cu e lo tin un pelea dia 16 di april. El a prepara su mes duro p’e pelea aki.
Despues di a train pa tres luna largo, Gregory Milliard a sali awe pa Connecticut, caminda cu diabierna e lo bringa den e Mohegan Sun Area. Milliard lo ta e prome bringado local pa bringa den Bellator, unda cu e lo bay pa haci historia.
Gregory Milliard ta invita ta invita henter e pueblo di Aruba pa bay Drive Inn, unda cu e publico lo por wak e pelea aki en bibo. Portanan lo habri pa 5:00 pm. E meta ta pa tin un Aruba uni unda cu tur hende lo por wak e pelea aki en bibo. Gregory Milliard su pelea ta bay ta pa mas o menos 7:30 pm. Segun Milliard, lo ta algo grandi pa wak un Aruba uni y ora cu k.o. cay, pa henter Drive Inn bolter di alegria.
