Den un cambio notabel, e comision tradicional di 6% riba “real estate” ta bay bou di un transformacion impulsa pa un caso legal reciente na Merca y un areglo posterior. E desaroyo aki ta reta e practicanan estableci a largo plaso y ta señala un era nobo p’e mercadonan di real estate global, incluyendo Aruba. Mientras nos ta para n’e crusada aki, e profesionalnan di e industria y e consumidornan mester compronde e implicacionnan y e oportunidadnan cu nan por bin aden.
Un demanda colectivo contra e Asosiacion di Real Estate Nacional a habri caminda pa un veredicto historico na Missouri, na Merca. E demandantenan a argumenta cu e comisionnan fiho tabata aumenta prijs di e casnan, restringiendo e competencia y violando claramente e leynan antimonopolio. E resultado di e $1.8 biyon na daño y un areglo di $418 miyon a introduci regla nobo pa fomenta e transparencia y e competencia riba e mercado di Real Estate na Merca.
Mientras Aruba ta yama bonbini na su propio Ley di Competencia na 2024, e caso Mericano ta presenta desafio y oportunidad. E introduccion di ley di competencia ta un cambio regulatorio y un compromiso cu igualdad, innovacion y bienestar di e consumidor den e sector di Real Estate. E cambio aki di modelo of paradigma ta anima nos pa reanalisa e practicanan tradicional y adopta un futuro
caminda cu transparencia y competencia ta impulsa e mercado.
T’e momento oportuno p’e agentenan di Real Estate na Aruba y mas leu adapta n’e cambionan aki di manera proactivo. Adopta modelo di negoshi innovador, mehora e servicio n’e cliente y probecha e tecnologia por diferencia e agentenan visionario riba un mercado competitivo.
Mantene bo mes informa y comprometi no por ta exagera mientras nos ta atravesa e periodo transformado aki. E fin di e modelo di comision di 6% no ta solamente un reto, sino un oportunidad pa redefini e transaccionnan di Real Estate pa miho. Door di priorisa e igualdad, transparencia y e bienestar di e consumidor, hunto nos por introduci un era nobo di Real Estate cu ta beneficia tur e interesadonan.
