Siman pasa Parlamentario Alan Howell a bay disfruta di un tremendo wega baseball Little League entre South y North na Pos Chiquito Ballpark. Ey mayornan y fanaticonan a acerk’e cu e peticion pa mas parkeerplaats debi cu no tabatin suficiente luga pa parkeer. Mirando cu e fin di siman aki tabatin e final, a spera mucho mas fanatico na e veld. E Parlamentario di POR mesora a tuma contacto cu Minister cu a percura pa DOW rosa e tereno pa mas espacio di parkeo.
Alan Howell a indica cu e ta hopi contento di e sosten di Gobierno na momento cu el a presenta e peticion di pueblo. E ta kere cu esaki ta e caminda cu tin cu bay, tur hende ta bisa cu mester haci deporte grandi y esaki ta un forma tambe di yuda logra e meta aki.
Howell a gradici e mayornan y fanaticonan cu a deposita nan confiansa den dje pa transmiti e peticion na Gobierno. El a remarca cu e tey pa scucha pueblo y pa cumpli cu pueblo te unda cu e por y awe ta cumpliendo cu deporte, pasobra un deportista mas ta un delincuente menos.
No por a laga afo e resultado di e final di Little League Baseball, den cual South Leauge a titula campeon. Awo nan lo representa Aruba na Corsou. Mester felicita tambe e beisbolistanan di Center Leauge cu a titula sub campeon.
