Diamars atardi a bati alarma pa un situacion cu por a bira un desgracia grandi si acaso tabatin hende envolvi. Un container carga y yen di producto, a kenter y bolter riba un cura di cas.
Esaki a tuma luga den careda di 3:30 pm na Montaña, na altura di Huan Zhan Supermarket, pa motibo desconoci un trailer a confronta dificultad cu un transporte pisa cu a termina den destruccion di cura di un cas.
Na sitio por a mira cu e daño en berdad ta grandi, tanto na e cura como na e container mes. E container aki tabata yen di producto cu a bira un reto grandi pa lanta bek for di suela. A presenta un otro un side loader pa purba lanta e container pero tabata imposibel. Ta papia di aproximadamente 34 ton di peso cu ta haci e esfuerso aki uno basta dificil.
Locual cu sigur tabata un alivio den tur e situacion aki, cu no tabatin hende envolvi den e situacion. No tabatin ningun hende den cercania, ni den e cura, ni riba acera cu a scapa di un desgracia sigur mirando e embergadura di e situacion.
Segun por a compronde, lo manda un otro ekipo pisa, un hijskraan, pa haci e intento di lanta e container y trata di sigui e transporte pa su destino.
