Un rato pasa alrededor di 12:45pm camara di siguridad a capta ora un homber a horta den New Food Center na San Nicolas. El a bin riba su bais y a sali for di e supermercado sin cumpra nada. El a capta atencion di e propietario y mesora ora a bay check camara, a capta full su stapnan den e supermercado.
El a horta un pak’i buscuchi di marca Verkade y tambe un pak’i sopi. E propietario di New Food Center a entrega keho contra di dje. Por poco e lo ta tras di trali pa horta cosnan cu ta bal algun florin. No ta un secreto cu e situacion social y financiero ta un problema riba Aruba, cual ta pone hende tuma decision no corecto.
