Por lo menos seis persona a resulta herida den un tiroteo cu a sosode diahuebs mainta den un instituto di Santa Clarita (California), medionan local ta informa.

Polis ta informa cu prome cu 8’or di mainta, un studiante Asiatico, di 15 aña, bisti cu sombre y paña preto a cuminsa tira den e centro educativo, cu poco despues tabata rondona pa agentenan, cu a blokea e acceso na e otro tres scolnan primario cercano di e luga “pa precaucion.”

Na e momentonan aki polis ta registrando e klasnan, mientras ta pone e studiantenan a salbo. Mirando cu ainda e sospechoso no ta deteni, forsanan hudicial ta pidiendo e poblacion pa evita yega na e luga te ora cu e situacion keda resolvi.

Tambe, nan a solicita e colaboracion ciudadano pa aresta e autor di e disparonan aki. Poco despues, hospital Henry Mayo Newhall, a comunica cu dos pashent a ingresa den su instalacionnan den estado critico, mientras cu otro tres tabata na caminda. Di su parti presidente di Merca, Donald Trump, ta wordo informa di tur lo referente na e tiroteo, segun su asesor, Judd Deere a indica.

Comments

comments