Ta hopi keho ta drenta diariamente na Polis riba e benta di droga cu tin na Beach. Turistanan ta keha cerca e hotelnan tambe. Tin turista cu ta busca droga pero mayoria grandi ta bin pa sosega y disfruta sanamente. Asina mes tin di e figuranan local riba beach cu kier ofrece droga na turista. A base di tur e yamadanan, Polisnan di Strand Politie a bay den accion.
Den oranan di mainta a bay banda di The Palm Pier y asina vigila dos di esnan cu ta frecuenta of traha riba beach. Tabata tin wowo riba nan pa pocesion di droga. Esey a duna su fruta tambe pasobra Polisnan ora cu a acerca ambos a bin haya droga riba nan. A detene ambos y hibanan warda di Strand Politie. Ambos a wordo hiba separa di otro. Uno a bay den e auto di Polis mes y e otro a bay den dogcatcher. Na warda a interoganan.