Algun actividad exitoso mas di korspsviering a tuma luga y e biaha aki tabata na Vaderpiet. Un acogida grandi tanto di polis cu a participa como tambe di hende cu a bin sostene.
Un competencia di tiro (Downrange shooting) entre polis a tuma luga den ora di mainta, esaki na e shooting range di polis na Vaderpiet. Animo ta halto, hopi polis a presenta y asina duna un bon bataya pa e competencia aki. Diferente districto como tambe team special bon representa den cada actividad.
David Leer, presidente di e comision a indica cu e competencia entre colega y mas tanto e triunfo di cada team ta haci cada actividad uno placentero. Na e competencia di tiro na vaderpiet a forma grupo di seis y asina haci nan maximo esfuerso pa gana e actividad aki.
Leer a subraya e importancia di yega hunto, uni mas como colega pero tambe haya oportunidad como cuerpo policial di recupera di tur locual a yuma luga e ultimo añanan , manera entre otro pandemia, pa asina den un manera sano trece tur hende bek na otro.
Importancia di tur actividad ta pa na final yega hunto pa e celebracion principal, cu lo ta e celebracion religioso na misa, cu lo ta momento pa refleha, trece animo bek den cuerpo policial.
