Awe diamars mainta pa mas o menos 10or di mainta Brandweer a notifica Polis di un caso di asesinato na Tobelstraat San Nicolas. A constata cu e señora no a muri den forma natural. Fiscal a presenta na e sitio y slachtofferhulp.
Pa 11:25am, dr Texier a constata morto di e señora R.R.N.K. naci na Aruba di 33 aña di edad. Fiscal a laga tuma curpa den beslag.
Aunke cu na un prome instante Polis a confirma cu a detene un hende homber y hiba warda di polis pa mas investigacion, despues a rectifica bisando cu no a detene e sospechoso ainda pero ta buscand’e activamente. Ta sospecha cu e tata di e yiunan di e victima a chok’e mata.
Polis ta pidi pa cualkier persona cu por sa algo of a mira algo, pa yama tiplijn di Polis na 11141.
