Diamars mainta presencia di ambulance a ser pidi den Tobelstraat na San Nicolas. Un persona no tabata reacciona den cas. Ora cu Ambulance a yega a pidi pa Polis tambe presenta.
Investigando a bin saca afo cu e dama ta R.R.N.Kock di 33 aña no ta mustra di a muri di un morto natural. A activa un team di recherche mesora pa presenta na e sitio. Parce cu e dama a muri choca segun e prome informacion.
A busca vocero di Polis pero di ningun forma por a hayanan despues di varios yamada haci. Finalmente a logra haya un superior cu a confirma cu ta investigando pa un asesinato. Informacion na e sitio ta mustra cu e tata di e dos yiunan a mata e mama. Kiermen el a yega eynan choca e mama cu e tin dos yiu cun’e y bandona e sitio. No ta conoci si a pone man riba e homber ainda.
