Polis a detene manifestantenan cu no kier a move for di caminda

6587

Un total di 9 persona a keda deteni awenochi durante un accion di Polis, pa caba cu e manifestacion organisa dor di Reginald Danies. Parce cu Polis a duna e manifestantenan te cu 10:00pm pa ta riba caya. Pero net despues di e orario stipula a yega pa habri caminda, pero e proceso no a bay facil.

For di awe tardi caba a cuminsa e di dos manifestacion contra abuso di mucha, esun organisa pa Reginald Danies. El a cuminsa for di Postkantoor y a cana bay Parlamento di Aruba. Ey no a entrega ningun manifiesto, pero a sinta riba caminda, obstaculisando trafico. Parlamentarionan cu a sali pafo a haya di tende for di Danies cu e no tin ningun manifiesto pa entrega nan y cu lo keda ey te ora Mariniernan bin move djey.

Manifestacion dilanti Parlamento a caba cu 9 detencion. Polis ta considera cu nan tabata strobando trafico y orden publico.

Manifestacion dilanti Parlamento a caba cu 9 detencion. Polis ta considera cu nan tabata strobando trafico y orden publico.

Posted by 24ora on Friday, July 3, 2020

Pa mas o menos 10:30pm a yega un batayon di Polis na e sitio pa habri e caminda bek. Pa por logra esey, mas o menos 50 Polis a yega pa lanta tur esunnan sinta na suela. A detene tur esunnan cu no kier a coopera, entre nan e mesun Richi Danies. Polis a bisa un rato pasa cu a duna e publico tur oportunidad pa expresa nan opinion y pa por manifesta pero como cu nan no a cumpli cu e orario otorga na nan, a opta pa uza poco mas forsa pa caba cu e manifestacion.