Un chauffeur di un pickup a dal auto na Moko y sigui core bay te banda di entrada di Tierra del Sol. Na Moko el a drenta un zona sin salida. Ora di reverse el a dal den cura di un cas mande aden. Djey sali bay manera nada a pasa. Polis a haya video y a bay na e sitio.
Tabata e pickup A-30265. Mientrastanto a tende cu e auto a yega na entrada di Tierra del Sol y medio dal den un pida beton. E seguridad a atende cune mesora. A kita e yabi di e pickup. E chauffeur fam R casi no por a para riba su pia. Polisnan di Noord a yega y a atende cu e chauffeur cu tur e respet necesario. E chauffeur tabata bisa cu ta djis algun drinks el a dal. No hopi. E tabata hole basta fuerte di alcohol. Logicamente el a bebe for di trempan.
E no aprecia cu e security Haitiano a atende cune na entrada. Polisnan cu masha pasenshi a splike cu e no por core auto. E chauffeur kiermen cu na Aruba ta tur hende ta bebe. Ademas nada a pasa cune. E no ta corda mes cu e tabata banda di Moko. Polis a detene na e sitio y hibe warda den dogcatcher. Polis di trafico cu tabata na Moko a bin na Tierra del Sol pa sigui cu e investigacion. Polis a bisa e chauffeur bebi cu el a scapa cu e no a causa algo mas serio. E por a bay cera facilmente cu castigo mas pisa.
E ta bisa Polis cu ningun hende ta perfecto. Polisnan a papia cune como yiunan cu kier nan tata bon. E chauffeur a bisa Polis cu e biba net poco pariba di Tierra del Sol. Su adres mes ta Caya Frere Henriquez. Kiermen ta basta leu. A takel e pickup tambe hiba warda.
