Diamars den careda di 5:00rpm a pidi presencia di polis na Sporthal di Santa Cruz. Segun informacion cu a drenta, tabatin algun persona cu tabata causa problema.
Manera ta conoci caba cu Sporthal ta un di e luganan unda por busca vacuna contra e COVID-19. Hopi hende ta haciendo uzo di e oportunidad aki y por a mira cu practicamente no tabatin luga mas pa pone auto. Segun informacion no confirma, esunnan encarga cu siguridad y ordo na Sporthal di Santa Cruz, a medio haya nan mes den problema cu 1 of mas persona. Ta bisa cu supuestamente nan no tabata sigui instruccion encuanto e regla- y protocolnan cu ta vigente pa locual ta trata COVID-19.
Polis a yega na e sitio y di biaha a bay papia cu algun persona. E agentenan policial a tuma e datonan necesario pa hinca den nan rapport. No ta conoci si esunnan cu a causa problema, tabata presente ainda ora na yegada di polis.
