Diamars despues di 5:30 pm polis a presenta na un adres den Paradera pa un hoben cu a lanta contra su mayornan. E problema a bay asina leu cu ni e tata no por a handle mas cu su yiu. Nan a dicidi di pidi asistencia policial, pa mira si nan por intermedia.
Ora e patruya a yega, polisnan a baha pa atende cu e hoben masculino. A papia cu ne riba su comportacion. Esaki no a cay den bon tera y e hoben a cuminsa bira fresco cu e agentenan policial. Tambe el a lanta contra nan.
Di biaha e agentenan a pon’e na suela, boei e y a pidi asistencia di transporte policial. Na yegada di e transporte policial, a hib’e pa ward’i polis. Aki e tin di splica subfiscal e motibo di su rebeldia.
