Arte visual contemporaneo ta nace for di e comunicacion entre un obra y su audiencia. E preguntanan cu esun cu ta wak ta haci su mes ta un parti importante di e comunicacion.
Esaki ta e enfoke di e evento Kico bo ta Wak? cu lo tuma lugadiaranson 18 di september. Den e anochi interactivo aki Plataforma Aruba kier crea un espacio unda e audiencia por descubri maneranan nobo di experiencia arte visual contemporaneo. Artistanan visual local Osaira Muyale, Zoe Velvet Ramos y Irvin Aguilar lo comparti nan obra y vision di arte.
E evento lo tuma luga na Biblioteca Nacional Aruba (Oranjestad), di 6:00 pm – 8:00pm. Arte Contemporaneo den Biblioteca ta un colaboracion cu Biblioteca Nacional Aruba cu tabrinda e comunidad Arubano un coleccion di publicacion relevante tocante arte visual contemporaneo. E proyecto ta acompaña pa un serie di eventonan den Biblioteca Nacional Nacional (Oranjestad) cu lo toca temanan di e publicacionan den e coleccion. E programa publico di Arte den Biblioteca ta wordo realisa cu e sosten di UNOCA.
