Diaranson mainta algo pasa di 10:30 riba caminda di Malmok a sosode un accidente hopi serio ora chauffeur di auto di huur y manehador di buggy no a wak otro.
E impacto tabata fuerte y frontal. Un turista hoben a perde su pia. Polisnan cu a yega na e sitio mesora a pone e pia den ijs y purba stabilisa e victima te ora Ambulace a yega e sitio. Otro unidadnan di Polis a cera caminda.
Mirando e situacion di e victima a yama Departamento di Trafico na e sitio. Segun testigonan e persona riba quadracer tabata parti di un grupo di e tour.