Diasabra atardi alrededor di 6:30 pm polis y brandweer a presenta den e bocht skerpi den Rooi Frances p’un accidente. Aki ta caminda cu un pickup color blanco marca Isuzu a perde control y drenta mondi.
Na sitio a nota cu e chauffeur si actitud tabata straño, hasta tabata sospecha cu e tabata bou influencia di alcohol. E chauffeur pa evita cu polis lo deten’e a opta pa keda sinta dena auto y no kier a baha pa nada di mundo. E agente- y bomberonan a papia cu ne y purba convenc’e pero sin resultado.
Un conoci di dje, a bin na sitio y logra convenc’e p’e sali di auto. El a sali y bay directo den e auto di e conoci y a move dibiaha for di sitio. E pickup a keda pega den mondi. E matanan ta stroba cu e auto no por sali sin cu corta e matanan.
