Pa mas o menos 12:20pm Polis a bay Jucuri pa atende cu un pelea grandi na un cas. Diferente unidad di Playa y St. Cruz a bay Jucuri pa atende cu e situacion. Mientras cu diferente unidad di polis tabata na caminda, e pelea a termina.
Kico tabata e motibo di pelea no ta conoci, pero un persona masculino tabatin yen sla na su curpa. Polis a bay papia cu e meneer pa asina haya sa kico tur a pasa y tambe a papia cu testigonan. A bisa e meneer cu si e kier entrega keho contra esun cu a dal e, e tin di bay warda pa haci esaki. Polis a papia cu tur hende pa basta rato pa calma e situacion.
