Diahuebs marduga polis a presenta cu urgencia den Weststraat p’un supuesto pelea. Na nan yegada a topa cu un situacion for di control, tur hende ta grita otro y sin cu por a saca afo kico a sosode.
Un persona a dicidi di splica e polisnan kico a sosode. E bringadonan mes, a bandona sitio di un auto marca Honda color shinishi. A mobilisa mas patruya riba caya pa cual a logra topa cu e auto den Belgiëstraat.
Den Weststraat polis no por a haci mucho, sino mas bien ricibi informacion so. E otro patruya a logra para e auto y bay over na detencion di dos persona. Ambos bou sospechoso di ta envolvi den pelea y un di nan pa insulta polis den uniform. Den un transporte policial a transporta ambos pa warda di polis caminda lo presenta nan dilanti un subfiscal, kende lo dicidi sea riba nan encarcelacion of libertad.
