San Nicolas Dam Club a tene su campeonato di dam na Sportcentrum San Nicolas (IBiSA SN) y dia 27 di october 2017, den e rondo final Patrick Williams a logra bay cu e prome luga.
Patrick no ta un desconoci den e mundo di dam na San Nicolas, na 2014 Patrick a participa tambe y a logra bay cu e victoria pero na e aña ey no tabata tin premio manera un bicicleta.
E siguiente aña si tabata tin un bicicleta como e premio principal pero Patrick no a logra cay den premiacion esaki tabata un stimulacion pa e aña aki pa Patrick participa atrobe y a logra cu 6 punto bay cu e prome luga. Timothy Henriquez a sali na di dos luga cu 4 punto, siqui pa Malik Tack cu 3 punto. Sr. Henry Kenepa presidente di San Nicolas Dam Club ta hopi satifecho y contento cu pa 7 aña siqui e ta organizando e campeonato di dam exitoso y kier gradici tur su sponser pa cu e bunita premionan y tambe IBiSA cu ta pone Sportcentrum San Nicolas
disponibel pa campeonato di dam. Un pabien ta bay pa tur esnan cu a participa na e tres dia di torneo di dam y ta gradici e mayornan cu ta stimula nan yiu pa participa na e deporte di dam. San Nicolas Dam Club ta informa mayornan cu ta desea pa nan yiu siña hunga dam,
cu Sr. Kenepa ta duna les di dam atrobe otro aña for di februari na Sportcentrum San Nicolaas pa mas información por yama sr. Kenepa na 568-4032.
