Laga esaki ta conoci desde awe cerca tur hende. Kico ta inmoralidad sexual, esey ta tur tipo di relacion sexual cu ta wordo haci contrario na e diseño di Dios.Cual ta e diseño di Dios; E relacion mester tuma luga entre un homber y muhe adulto y preferiblemente casa (den matrimonio), 1 Corintio 7 vers 2-4.Tur otro tipo di relacion sexual no ta conta cu aprobacion di Dios, 1 Corintio 6:18.
Pa un tempo ta parce manera ta un feria tin cu hende cu ta abusa di mucha chikito of e muchanan menor di edad. A yega tempo pa tur hende wordo confronta cu e berdad pa despues nan no bisa cu nan no tabata sa.Un persona mayor di edad cu tene relacion cu un mucha sea homber of muhe menor di edad ta wordo condena den bijbel den Lucas y Marco 9 versiculo 42 y den cual ta para skirbi: Lucas 17: 1+2 “Ta inevitable cu tentacion lo bini, ma ay di esun pa medio di kende nan ta bini, lo tabata miho p’e si un piedra di molina wordo cologa na su garganta y el a wordo tira den lama, cu si e mester haci un di e chikitonan aki trompica”. Ora como hende homber/muhe participa den abuso di mucha, bo a pone e mucha trompica, y Dios ta odia esey, pasobra bo a traumatisa e mucha fisico y spiritualmente.
Prizon ta duna castigo temporal, pero si bo sconde e asunto of menasa hende of paga e famia, pa asina como e malbado bo scapa for di ley di mundo, tene cuenta cu Proverbio 28:13.Door cu maldad a aumenta rond mundo y hende a perde temor pa Dios, hopi hende a cay den e trampa diabolico di abuso di menor di edad cual ta algo horibel, Tito 1 vers 16. Timoteo 2 vers 22 tambe ta bisa lo siguiente ; Awor huy for di e pasionnan di hubentud y busca husticia y paz. Tur hende ta na altura cu tin muchanan ta lanta influencia pa e enemigo, cu kier tin relacion cu hendenan mas grandi cu nan , y beibel ta bisa pa huy for di nan, bo ta perde bo integridad.Corintio 6:18 ta bisa huy for di inmoralidad sexual, tur otro pica cu hende comete ta for di e curpa. Inmoralidad sexual ta degrada e creacion di Dios, pasobra nos curpa ta tempel di Dios.Corintio 6:9 ta para scirbi tur esnan cu lo no hereda e reino di Dios, por favor tur hende lese pa bo mes. Pero 1 Corintio 6:11 ta para scirbi cu tin hustificacion den e sanger di Hesus esey ta nifica cu tin pordon di Dios pa tur esunnan cu arepenti di curason y aparta di inmoralidad sexual.Nos ta roga na Dios pa habri wowo di tur eunsnan cu ta cana riba e caminda robes, cual tin consequencia amargo. Entrega awe bo curason na Dios.
