Abo ta kere den Dios pa bo bario? Bo no ta cansa di mira e hobennan bay perdi den bo bario?
Bo no ta cansa di mira benta di droga den bo bario?
Bo no ta cansa di mira prostitucion den bo bario?
Bo no ta cansa di mira violencia domestico den bo bario?
Bo no ta cansa di mira ladronicia den bo bario?
Bo no ta cansa di mira con uzo di alcohol ta domina bo bario?
Awel den e nomber di Cristo Hesus bo tin e autoridad pa stop esey, pasobra tur cos ta posibel pa esun cu ta kere. Mescos cu maldad por avansa, bondad tambe por domina, pasobra mas grandi ta esun cu ta den nos cu esun cu ta den mundo.
Nos no por biba bao di dominio di e enemigo den nos bario y nos ta drumi intrankil anochi. Pasobra nos no kier tuma e autoridad cu Dios a duna nos pa para tur trabao di maldad.
Mescos cu nos ta uni pa fiesta laga nos uni pa oracion, pasobra den oracion tin poder pa kibra tur cadena.
UN BARIO DEN ORACION TA UN BARIO DEN BENDICION.
Bijbel ta siña nos den Mateo capitulo 22:18 y 19 lo siguiente: “Awo su manece, ora cu El a bolbe n’e stad, El a haya hamber. Y mirando un palo di figo banda di caminda El a bay na dje y no a haya nada na dje sino blachi so y El a bisa e palo nunca mas lo no bolbe duna fruta. Y mesora e palo di figo a seca.”
Mes autoridad nos tin awe pa tur locual ta pasa den nos bario cu no ta di acuerdo cu e Palabra di Dios, cu ta trece peliger pa nos famia. Nos ta orden’e pa seca y caba nada, manera benta di droga, ladronicia, abuso di mucha, bebemento, adulterio. Tur esey ta bagamunderia cu den nomber di Hesus nos tin di reprende nan pa asina por tin paz den bario.
Hesus a bisa cu si nos tin fe manera un simia di mosterd nos por bisa e sero move y bay cay den lama.
Cuanto problema nos no tin , cu polis ta 24/ 7 den nos barrio tur dia , buscando malhechor , awel nos ta bay duna polis un man, door di haci oracion y asina core cu maldad for di nos barrio.
Forma un Bario prayer watch y asina limita tur forsa di maldad pa ta activo den boso bario.
Den Mateo capitulo 18:18 ta para skirbi: “Di berdad, Di berdad mi ta bisa boso cu tur loke boso mara riba tera lo ta mara den shelo y tur locual boso los riba tera lo ta di los den shelo.
Si riba tera dos di boso, bay di acuerdo tocante di cualkier cos cu nan pidi. Esaki lo ta haci pa nan door di mi Tata cu ta den shelo.
Con por ta posibel cu nos por a lubida e bondad di Dios asina lihe?
