Diamars atardi, na un scol na Playa, un docente a tuma nota di un auto marca Hyundai modelo Elantra numera A-30851 cu tabata pasa den parkinglot y casi dal den e otro autonan. Despues e docente a subi su auto y ripara con chauffeur di e Hyundai tabata coriendo den e parkinglot ‘manera loco’.
E docente baha di su auto y papia cu e chauffeur concerni p’asina bis’e cu e no ta bon bezig, esaki a pone cu e chauffeur a rabia y a papia palabra malo cu e docente y sigui bay.
Na momento pa sali di e parkinglot, e chauffeur a purba pa pasa e docente varios biaha te cu el a logra. Despues di pasamento varios biaha, e autonan a dal den otro.
E chauffeur di e Hyundai a laga sa cu su casa tin tres luna na estado y e menasa e docente cu morto. Polis a presenta na sitio pa tuma dato di locual a sosode.
