Dia 25 di juni 2021 a tuma luga e eleccion parlamentario unda a conta cu diesdos partido. Di e diesdos partidonan, esunnan cu a haya asiento ta e partidonan di AVP, MEP, MAS, ACCION21, RAIZ.
Diahuebs Conseho Electoral den un comunicado ta ratifica e cantidad di votonan obteni door di e partidonan cu a participa den eleccion.
REPARTICION DI ASIENTO
Conforme articulo 91, lid 3 di Kiesverordering, ta asigna cada partido un cantidad di asiento,cu ta como lo siguiente:
RAIZ 2 asiento
AVP 7 asiento
MEP 9 asiento
MAS 2 asiento
ACCION21 1 asiento
PARLAMENTO NOBO
Asina tambe e proceso electoral poco poco ta yega na su punto final. Ya caba S.E. Gobernador a reuni cu e lidernan di e partidonan cu a saca asiento den eleccion.
Mientras cu e proceso pa nombra un informado y consecuentemente un formado, dia 7 di juli parlamento di Aruba lo conoce un constelacion tentativo cu lo ta den funcion, te ora cu yega na forma un gabinete nobo.
