E hecho cu miembro di Parlamento pa Fraccion di MEP, Luigi Bergen, ta encaminando un proceso di divorcio no ta motibo pa noticia. Y tampoco e ta sinti cu e mester duna cuenta na ningun hende cu e ta separa y divorcia e mama di su yiunan. Esey tabata basicamente su ponencia den un debate radial cu e presentado di radio Raymond “Baboe” Hoek na Power FM. Sinembargo, despues di e noticiero e Director di e radioemisora cu ta liga na Minister Otmar Oduber, a desaproba e actitud di Baboe Hoek den aire y consecuentemente awe no tabatin noticia mas na e radio.
Pero huzga pa Bo mes, e entrevista y despues e reaccion di e propio Director Ralph Maduro, cu porcierto tambe tabata for di aire pa algun luna, precisamente despues cu Polis a detene pa maltrata su pareha den apartamento. El a para banda di Luigi Bergen, cu tambe su (ex) casa a keha na Recherche pa maltrato fisico di su yiu muhe, etc.
