Diamars atardi un habitante di Matadera a bati alarma. E tin poco apartamento pero tambe un cantidad di galiña ta cria. Den algun cos cu e tin warda bou di un dak a descubri un Boa grandi. A pidi yudansa pasobra e Boa ta scondi un caminda fastioso. Ademas cada biaha cu tabata acerke, e tabata tira cu intencion di morde pa ningun hende yega cerca.
Bomberonan a yega pero nan no por a haci masha. Ta sospecha cu e Boa a come of tabata comiendo gai of e galiñanan. E tabata gordo y mas cu un meter largo. Hoofd Park Ranger Salvador Franker a ser pidi pa presneta na e sitio. E ta experto den handle cu Boa. Ora a bay busca manera di gara e Boa, el a purba ataca tambe.
Cu ekipo special a maniobra mey mey di su escondite y gare na su garganta. Djey a gare na su cabes ranke bin cune afo. A hinke den un emmer y lo transporte pa Parke Arikok pa hasi investigacion riba dje. Asina mas biaha ta haya Boanan grandi varios caminda scondi y tin biaha hasta e ta spanta hendenan den cas. Hende tin miedo di Boa aunke den realidad e no ta hasi nada.
