Hues a declara e ex-empleado di Romar Trading culpabel di a estafa e empresa. Robert Elmondalek (71 aña), miho conoci na Aruba como Papito, a ricibi un condena di 207 dia di prizon, di cual 180 dia ta condicional.
E caso a cuminsa ora a descubri cu Papito Elmondalek tabata presenta recibonan falso a traves di e empresa fantasma Sherwood, cu Romar Trading a paga. E delitonan a tuma luga entre dia 1 di januari 2013 y 31 di october 2016. Elmondalek a gana riba 300 mil florin hunto cu un complice. Pa mas informacion y detaye, lesa e edicion di TREMPAN di awe dialuna.
