Diabierna atardi tabatin den Cas di Cultura un encuentro yama Evening of Lectures: Road to the Circular Economy. Esaki ta forma parti di e Sustainable Education Symposium organisa pa Biblioteca Nacional Aruba. E evento a sirbi pa ilustra algun negoshi chikito local, pero primordialmente pa duna un splicacion di e tema principal di e simposio, esta economia circula ta.
Encarga pa cu esaki tabata un docente specialisa den e tema, esta Manuel Maqueda. Maqueda, kende ta maestro internacional di economia circular aplica na e universidad di Harvard na California, a splica na e grupo den Cas di Cultura cu economia circular ta crea rikesa sin crea desperdicio y cu, en realidad, ta e unico opcion pa un isla ya cu e bio esfera ta chikito cu ta mas dificil pa regenera di e daña causa pa otro economianan. Tambe el a menciona con un Blue Economy lo ta perfecto pa Aruba paso, rondona pa awa, nos por uza e recurso natural aki den e produccion di pisca, alga, ademas di a conseha pa tira bista den e procesamento di food waste.
E anochi tambe tabatin un panel consistiendo di expertonan local manera Dylan Farro, Christie Mettes y Oliver Vieira y modera pa Indra Zaandam. E Sustainable Education Symposium 2022 ta continua awe cu e parti principal cu ta presentacion na alumnonan di scolnan secundario y educacion avansa. E presentacionnan aki lo durante henter e siman aki.
Pa mas detaye di e evento aki, lesa e edicion di TREMPAN di awe.
