Oyentenan di Ivo4Life a haya primicia di comedia di fin di siman

764

Un harimento pegasoso ta locual a tuma luga diaranson merdia den programa di Ivo4Life na momento cu integrantenan di comedia “Surprise party pa Loloi” a cana yega y tuma over e ambiente den studio.

Pachi y Loloi a duna un primicia na tur e oyentenan fiel di e programa di kico asina lo bay tuma luga den e dos anochinan di comedia dia 13 y 14 di maart anochi den Cas di Cultura.

Locual cu ta sigur cu e publico lo gosa manera semper di un obra humoristico di calidad cu Pachi ta presenta tur biaha na e fanaticonan di Aruba. Carchinan ta na benta caba na CITGO Blvrd como Essoville pa Fl.35,=. Un invitacion cordial ta bay na amantenan di comedia y na publico general pa bin pasa un rato bou grito di harimento y wak ta con e sorpresa pa Loloi lo termina. 

Ivo cu Pachi y Loloi pa Comedia di 13 y 14 di Maart

Posted by 24ora on Wednesday, March 11, 2020