Awe ta un dia pa accidente. Na mes momento cu polis tabata atende cu e accidente di e brommer cu a dal tras di e V-Car, coleganan mester a bay direccion rotonde aeropuerto pa un otro accidente caminda un auto a dal tras di un otro.
Un Hyundai van H-1 biniendo direccion pabou no a mantene distancia cu consecuencia cu el a dal tras di un Toyota Vitz (color cora kima). Impacto tabata basta fuerte mirando cu a basha e back shield di auto completamente abou.
Mes ora polisnan cu a presenta na sitio a pone man na obra, recoge y kita glas kibra for di caminda pa asina acelera proceso di habri caminda pa asina trafico por circula na normalidad bek rapidamente. Afortunadamente no tabata ningun hende herida den e accidente aki.
