Diahuebs parlamento a trata e ley di exonera Edison ‘Eddie’ Briesen, pa loke ta trata e caso di dos miyon florin cu mester paga e compania Lee Tofanelli and Associates Inc. Hopi cos tabata bisa durante esaki, di cual Otmar Oduber ta recorda cu a kibra contract a base di rapport di Centrale Accountantsdienst (CAD).
Otmar Oduber a indica cu e no tabata na Aruba pero a nota di varios declaracion haci den parlamento. El a sigui indica cu dialuna awo e lo trece dilanti ampliamente varios punto. Pa su persona loke a resalta tabata e persecucion di Eddie Briesen. El a indica di no tabata sa cu Briesen tabata traha pa Lee Tofanelli, incluso cu Mike de Meza tabata traha pa Tofanelli of tin beneficio. El a indica cu e caso aki gobierno no a lant’e contra ningun hende e tempo ey. Aki el a referi na su mes.
Oduber a sigui informa cu no a lanta ningun investigacion. E tempo ey CAD a manda un conseho pa gobierno, bisando cu Minister di Turismo, esta Oduber, lo ta personalmente responsabel si ehecuta e contract ey, pasobra e ta contra ley di contabilidad.
A base di esey gobierno a termina e contract. El a enfatisa cu Mike de Meza tambe tabata den e Ministerraad y a bay di acuerdo pa termina e contract a base dje rapport di CAD. E ta para ariba cu gobierno no ta esun cu a bay corte, pero Lee Tofanelli ta esun cu a lanta un caso contra gobierno. Oduber cu tabata minister e tempo ey a gana den Eerste Aanleg.
Despues di esey, Oduber a baha como minister. E ta haya cu mester puntra e resto na e siguiente ministernan cu tabata t’ey cu ta Mike de Meza y despues Oduber.
Pa mas lesa TREMPAN.COM.
