E tres promotornan local Edson Tromp Jr. y Eldwin Kock di Caribang a uni forsa cu Anthony Arends di Deal Entertainment pa organisa e di dos edicion di “Paranda Rubiano” na Maassilo, Rotterdam awe diabierna anochi. Aña pasa a organisa e prome edicion den Reverse Rotterdam y a logra haya 500 Rubiano den e fiesta.
E aña aki a prepara un elenco di cantantenan local, manera Jeon, Eazy B, Galloway y mas, compaña pa algun DJ Rubiano residencia na Hulanda. Nan ta spera no menos cu 2000 hende awe nochi den Maassilo na Rotterdam.
Edson Tromp Jr. a studia Media and Event Management y awendia e mes ta duna les na studiantenan di e scol. E tin un amplio experencia den organisa eventonan grandi asina. E ta cla pa pone su estudio den accion pa tur nos Rubianonan residencia na Hulanda.
Headlines Group ta orguyoso di e hobennan aki y a manda mil cup di 24ora y Trempan pa parti pa e prome mil hendenan cu yega awe na Maassilo.
