Tabata tin un sosedido cu polis a bin na waf y a pidi tur hende amablemente pa coopera y no mag di para bus mas eynan. E motibo pakico nan ta puntra pa no para bus mas eynan, pasobra hopi tourbus ta drumi lanta eybao y turistanan ta keha cu ora nan sali anochi, ta peligroso cu nan no tin visibilidad. Segun Dalilah Boye kende ta doño di un tour, a splica cu a pidi como cooperacion den un reunion pa coopera y no drumi eynan, pero e hendenan ta sigui haci’e.
Tin hopi bus cu ta yega 2’or, para bay nan cas, pero tin otronan ta stroba para eynan y ta crea problema. Boye mes ta un di nan cu a haya mas di 30 boet eynan, pasobra ora e yega, no tin caminda di para. Awe nan a bin cu un borchi pa pone cu no mag di para mas eynan y tin hende cu ta di acuerdo y tin cu no ta di acuerdo.
Boye ta di acuerdo pasobra esey ta un manera pa respeta derecho di tur. Esun cu kier para eynan, ta para pabao, ta mercadea na entrada y hiba e turistanan pabao. Esey ta un derecho pa tur hende. Ta respeta turista, trata otro nechi y respeta ley di polis.
Un rato so
Boye ta sinti cu e no ta stroba. E ta para su bus pabao. Ta e ta esun cu ta mercadea e turista y no e bus. E ta bin eynan, papia cu e hendenan, bay cu nan na e bus, y subi nan. Si e mag di para eynan baha of subi hende eynan, ta bon. Pero si tin 30 bus eynan, e ta imposibel pasobra no tin luga pa 30 toch. Ta 6 so por para. Esey no lo bay haci un efecto grandi.
Solucion
Solucion tin. Si tur coopera cu otro, coopera cu polis, tin solucion. Civicamente, no mester blokia ningun caminda, pasobra ta e imagen di Aruba nan ta daña. Ta inverti hopi placa den turista pa bin haci welga eybao y daña nos imagen como Arubiano, segun Boye.
Dificultad
Jacky Boekhouwer ta doño di un compania chikito pa 25 aña. E ta splica cu e manera cu e ta mira e situacion na waf ta cu tin bus, mester tin caminda pa para e bus pa por traha. Unda e caminda ta pa para e bus anto. E ora no tin luga di traha. E ora bo ta bisa tambe cu no tin igualdad pa tur hende. Paden bo tin un organisacion ta traha. Nan si no tin ningun problema. E touroperatornan tin e mesun derecho.
Peticion
Na final loke nan ta pidi, ta un luga pa nan por para e vehiculonan, haci e mercadeo, yena nan auto y bay y duna e servicio na e turista. No ta nada mas. Si den varios meeting cu tabata tin cu polis, cu DTP, etc., nan a bisa cu eynan ta bay ta pa e busnan y unda cu a pone un borchi pa taxi. Momento cu a yega dialuna pa haya e borchi eynan, claro cu tur a bira loco. Esey no ta e acuerdo.
Algo recien
E borchi a wordo poni recien, segun Boekhouwer. Ya nan tin hopi tempo caba, di dia cu e caminda dilanti Diamonds International a habri, ta para asina ey. Pero e tabata OK pasobra esey tabata e acuerdo. Diripiente a bin cu algo cu no ta e acuerdo y esey no ta klop. Tin cu mantene na palabra.
Ta logra
Boekhouwer kiermen cu nan ta logra. No por bisa cu no ta logra. Tin dia ta bon, tin dia ta malo. Pero ta logra. Si por a bin cu un solucion di un manera cu tur hende por come igual paden y pafo, lo ta mas miho. Tin un sistema, tin un manera, pero no tin boluntad.
Instancianan
Tabata basta tempo cu e touroperatornan a topa cu e instancianan envolvi. Tabata prome cu e caminda dilanti Diamonds International a habri. Tin cu bay papia bek cu tur e instancianan y pa mustra nan kico nan a priminti, kico nan a bisa. Esaki no ta prome biaha cu algo asina ta pasa, cu nan ta bisa algo y nan ta draai haci full otro tras di nan lomba.
