Mario Arends ta encabesa e parti crucero pa ATA y e tabata tey presente na waf pa tuma nota di e situacion cu tabata tin eynan. Diaranzon cos a bay for di man cu tournan di bus a blokia entrada. E ta comenta cu pa motibo di esaki mes nan a bin. Kier a mira precies con e situacion ta sigui desaroya. Ta contento si cu te asina leu e situacion a wordo gecleared. Esey ta importante. No por sigui stroba e ora e experiencia di e turistanan crucero. Naturalmente tambe mester den consideracion e preocupacionnan cu ta bin dilanti y esey mas dilanti mester bay sigui atende cu esakinan.
Esaki lo a cuminsa door di a pone borchi di trafico, cual algo cu tabata di bin pa basta tempo caba. Esaki a bin cu consternacion, pero tambe ta falta di informacion. Awo tin e oportunidad pa tur hende ta mas miho informa y sa precies con e situacion ta bay sigui. Den pasado tabata tin e chens pa duna imput y ta spera esaki por bin atrobe y e ora pa yega na un situacion unda cu tur hende por biba cun’e.
Mal momento
Ora cu un turista bin, su experiencia ta e arma mas importante cu nos tin ora cu ta bay na e liñanan crucero y ta bisa nan pa pensa riba Aruba ora di haci itinerario. Pa Aruba e ta hopi positivo. E ta haci nos bida hopi mas facil. E ora bo sa cu bo tin un producto di calidad, experiencia ta sumamente positivo. Ora bo ta haya momentonan asina, e no ta yuda na e experiencia. Esey ta wordo refleha den e reviewnan cu e pasaheronan ta yena. Esey e ora ta confronta cun’e. Esey ta haci un tiki mas dificil.
Esaki a val mee si, pasobra e tabata hopi cortico. E barco a yega na un momento ainda cu e situacion no tabata hopi fastioso y el a wordo gecleared basta lihe. Esey no lo ta tanto un problema. Pero ta importante si pa scucha tur e partinan envolvi, pasobra tur e persona y gruponan cu ta beneficia di e industria aki mester ta bon informa y semper cu e mente cu experiencia di e turista ta importante. Na fin di dia, e review cu nan ta duna, ta loke ta duna e arma mas importante cu nos por bay bek na e liñanan crucero, indicando cu Aruba ta un producto di calidad.
Kico tin den waf
Awe ta un dia basta druk. Tin riba 8 mil pasahero potencialmente riba caminda. Ta den high season. Sigur sigur e ta un dia cu tur esnan cu ta biba di e industria aki, por sinti e fluho adicional di e pasaheronan. E ta dianan manera asina sigur cu bo no kier tin e tipo di accionnan aki. Arends ta gradicido cu e situacion a wordo preveni di ta mas pio.
