Dialuna anochi despues di 8:30 pm polis a bay direccion Sero Pita net un tiki pazuid di e bahada peligroso. Segun informe cu nan a ricibi ta cu lo a tira baranca riba auto cu tabata pasando.
Dilanti e adres Sero Pita 3A a topa c’un auto Toyota Corolla para. Segun informe compila na e sitio, nan tabata bin di direccion noord y diripiente algun piedra a alcansa nan te drenta paden.
Un persona den e auto a resulta herida. E chauffeur muhe a ripara cu sanger tabata basha di e ocupante den su auto y a para na dicho adres pa pidi yudansa.
Ambulance a yega na e sitio y trata e victima eynan, pa despues hib’e hospital. Mientrastanto e polisnan a core busca den e area pa mira si por a topa cu esunnan responsabel pa e acto aki. Tambe a check na algun cas pa mira si nan tin camera instala pa mira e videonan. No a logra haya sa ken tabata esunnan responsabel pa e acto aki y despues di basta rato di buskeda na varios cas y mondi, polis a bandona e sitio. E caso ako tin atencion di polis.
