Dialuna den careda di 11:00 di anochi un patruya di polis a logra pone man riba un mucha homber hoben. Esaki ta relaciona cu un caso di destruccion cometi den oranan di mas trempan.
Segun informe no oficial, e destrucion mes a tuma luga na un otro adres den Rooi Frances. A haci destruccion riba un auto, pero a localisa e hoben masculino na un adres den Macuarima y di biaha a bay over na deten’e.
No ta conoci e motibo exacto pakico e hoben aki a comete e destruccion riba auto di otro. A pidi asistencia di transporte policial y hib’e warda di polis na Santa Cruz.
