Manera ya ta conoci, desde mañan orario di cierre ta cambia pa 9:00 pm, mientras toque de queda ta bira 10:00 pm. No necesariamente tur hende ta contento cu e medida aki. Na final, e sector di horeca ta esun mas afecta cu e medida aki.
Turistanan a comenta riba e situacion aki na nan yegada na aeropuerto Internacional Reina Beatrix. A entrevista for di esun mas hoben te cu esun mas grandi, hende homber y hende muhe. Locual a resalta ta cu, no tur ta contento cu e desicion aki. Obvio cu esun mas hoben ta contra mirando cu no lo por fiesta mesun hopi cu prome.
Mientras esun mas grandi no tin problema cu e cambio di orario aki. E mayor cu a bin vakantie cu su yiunan tampoco ta asina preocupa manera e hobennan cu a bin pa fiesta. Pa awo, tur tin cu biba cu e cambio di orario pa tanto toque de queda y cierre di establecimento.
