No solamente Venezolanonan ta bin Cruz Cora. Buscadonan di asilo ta bin for di tur caminda, manera Colombia y hasta China.
Esey no ta importante. Segun Michel la Haye, director di e organisacion, si bo tin mester ayudo como hende y con Cruz Cora por duna esaki miho posibel. Si bo ta bin for di Hulanda, Aruba, Corsou, of otro pais, pa Cruz Cora, esaki ta irelevante.
Ayudo
Si e hendenan aki yega na Cruz Cora y kier yudansa, e ora eynan, segun e director nan ta traha cu Gobierno riba esaki. E dunamento di asilo y proteccion di hende, ta e responsabilidad di e gobierno. Cruz Cora no tin rol den esaki. Pero si ta pidi gobierno pa haci esaki, pa asina e hendenan aki sa kico ta nan perspectiva pa futuro. Pa tur hende esey ta importante. Tambe esnan cu tin mester di proteccion, La Haye a splica.
Proceso di Asilo
Den casi 10 aña La Haye no a mira cu a otorga asilo.
Noticianan di exterior
Michel de La Haye a splica cu Cruz Cora debi na nan mandato, obliga pa yuda. Si ta asina cu e organisacion di refugiado di Nacionnan Uni, a trabes di un carta a pidi tur pais den e region, pa trata e Venezolanonan como refugiado. E situacion ta asina cu a pidi pa e hendenan aki otorga nan asilo.
Cuanto tempo nan lo por keda
Si algo pasa na Aruba, no lo tin luga pa e localnan, manera den caso di calamidad. Segun Michel la Haye, tin un maneho cu por tuma hende pa 72 ora y ta pase over pa gobierno, kendenan tin e responsabilidad pa e opvang. Na e momentonan aki, gobierno a pidi Cruz Cora pa ayudo, pa asina nan por adapta nan plannan. La Haye kier sa kico e plan ta consisti, pa asina e hendenan por acudi e ora na gobierno.
Semper disponibel
Cruz Cora ta disponibel 24/7 pa hendenan cu tin mester di ayudo. Esaki ta henter aña, tur dia tin hende eynan. Y esey no ta solamente voluntario, sino hendenan cu tin mester di ayudo y luga di keda. Le Haye a splica cu nan tin hende cu a keda 6 luna prome cu nan a haya un luga.
En principio, ora cu tin hende eynan, tin un voluntario cu ta keda cu nan pa asina papia cu nan y guia nan. Ta un peso basta pisa si nan keda mas cu 3 dia. Hendenan vulnerabel no por bay zomaar riba caya. No por ta asina cu un hende bin pidi yudansa, manera hende muhenan na estado of muchanan, cu nan ta wordo saca, pasobra no tin otro alternativa riba e isla. Cruz Cora tin nan proceduranan normal y tambe ta delibera cu gobierno pa mira con hunto nan por yuda problemanan asina, Le Haye a splica finalmente.
