Un di e cosnan cu Candelaria a mira cu ta bayendo bon, cu polis urgentemente mester haya potestad bek den LTU.
E minister a splica cu nan lo cambia e ley. Un cos cu e por haci pa avansa cu e proceso, pa djis regla e potestad aki so, wardando e proceso pa cambia henter e LTUV. Ta ideanan cu AVP lo por a haci si nan tabata den gobierno, cu ta pone cu lo por tin un Aruba mas sigur.
Plan di ocho aña di minister di husticia
No a mira plan di minister di husticia. Loke cu e minister a haci den pasado cu el a presenta algun idea cu e ta bezig cun’e. Tin topiconan cu por planea, pensa, reuni cu tur hende. Awor aki, den e situacion cu nos ta cu Venezuela, no por planea mas. Tin cu ehecuta. Tin e vehiculonan, tin e servicionan. Ta di pone prioridad. Bisa pa laga cierto cosnan para, tuma esaki y cuminsa patruya nos costanan sistematicamente. No por warda mas. Pasobra ta mira kico ta drentando caba.
Cuater vehiculo
Parlamentario Candelaria a splica cu e no sa cuanto cos mas tin pa planea, pensa riba dje, sinta cu tur hende. Den e trabao di minister, tin cosnan cu tin cu tuma decision. Tin cu mustra liderasgo. Pa bisa cu el a dicidi cu tin cu haci tal cos. Natural, semper mester tin un periodo pa pensa y scucha opinion. Pero ta yega un momento cu tin cu ehecuta tal cos riba cierto fecha. Tin e material, tin e hendenan, tin e plannan cu a existi den pasado. Candelaria a forma parti di dje pa hopi tempo, cu nan a percura pa periodonan largo. Tabata tin control na costa, consistiendo di polis, di douane y kustwacht. Awor aki, sak’e for di cashi, stofi’e un tiki, tuma decision y cuminsa actua ariba dje.
Traha hunto
So ta bon, douane, kustwacht y polis mester ta on board di e vehiculonan aki. Loke ta preocupa fraccion di AVP, ta cu cada servicio tin su bevoegdheid. Awor aki, tin cu mira dos cos. Cua bevoegdheid tin mester por ehempel loke douane tin, polis no tin y vice versa. Pero tambe e personal. Sa cu cada servicio tin mucho tiki personal. Awor aki, e prioridad cu tin, ta di cuida nos costanan y cuida nos pueblo. E ora tin cu tuma decisionnan cu por ta dificil. Esey ta loke no ta mirando. Tin e material, tin e personal, tin e plannan di pasado, Make it Happen.
