Departamento di Salud Publico na mas cu un ocacion a informa cu no ta nan ta test COVID-19, sino door di diferente laboratorionan rond Aruba. Si bo ta residente y tin sintoma di COVID-19 bo mester tuma contacto cu dokter di cas y e lo informa laboratorio di hospital cu bo mester un cita pa test. Laboratorio di hospital na su turno lo tuma contacto cu bo pa un cita pa test.
Si bo ta un turista of un local cu ta biahando y pa motibo di biahe bo mester haci un test, bo mester tuma contacto cu un di e numbernan aki 5974522/ 2800630/ 5920709. E test pa por biaha tambe ta ehecuta pa laboratorio y no DVG.
Un suplica grandi ta bay na comunidad cu si bo a tuma contacto cu dokter di cas y el a informa bo cu bo mester test, sino nan no yama bo, tuma contacto cu bo dokter di cas un bes mas y inform’e di esaki.
DVG ultimo dianan ta ricibiendo masha hopi mail y yamada di comunidad pa haci test di COVID-19 y DVG no por yuda cu esaki.
