Diaranson anochi alrededor di 10:45 pm polis a para un auto marca Toyota color preto, numera A-61359 na entrada di Sero Patrishi. E auto tabata yena cu hoben.
Nan tabata actua hopi sospechoso, pa cual a pidi tur pa baha pa e polisnan por haci un control. Durante e control den auto a topa cu arma blanco y masha poco di droga. Mirando e cantidad chikito di droga cu tabatin den auto, a opta pa no detene ningun hende. Manera indica, e auto tabata carga cu hoben. A pidi refuerso di demas patruya.
Despues di basta rato a laga e auto bay. A saca potret di e hobennan cu tabata den auto, confisca e cuchiu y e puch’i cheiba y tur hende a sigui na caminda.
