Diaranson den oranan di atardi laat un patruya a topa cu e conoci di polis Rudolfo Webb pa kende tabatin un orden di buskeda for di dialuna den oranan di atardi.
E homber aki a bin ta persigui su ex-pareha y menas’e. Sinembargo dialuna el a bay un tiki mas leu. El a haya sa cu e ex a cuminsa traha un kiosko di catochi den Santa Cruz.
Despues di 2:30 di atardi el a yega den su pick-up pero e luga tabata cera. Pues e ex di dje no tabata na e sitio. Sinembargo esaki no a strob’e el a coy un sker grandi cu e tabatin den su vehiculo y un otro herment mas. El a destrui e camaranan di siguridad poni pafo y a forsa kibra e lock pa drenta den e luga, unda el a sinta warda e trahado yega.
Paden el a destrui e camaranan di siguridad y tambe a menasa e muhe cu e lo bay mat’e. E#l a bay cu un celular di e empleado y algo mas cu 400 florin cu tabatin den e caha.
Polis a yega na e sitio y a bay cu e señora pa entrega keho. Inmediatamente despues a saca un orden di buskeda y detencion pa e homber aki cu ta biba na Alto Vista. E no a duna resultado mesora sino te cu diaranson den oranan laat di atardi ora cu un patruya a topa cu e pick-up riba caminda di Ser’i Janchi, unda a detene. A pidi auto di transporte pa hib’e warda.
E ex a keda hopi traumatisa pa motibo cu incluso, e mesun dia di denuncia, el a bay na su cas y causa destruccion na un vehiculo staciona eydilanti.
