Un agente Polical Franken a keda deteni despues di tabata envolvi den un accidente di auto. E accidente a sosode na final di e siman cu a pasa den oranan di marduga.
Tin informacion riba rednan social cu e agente a saca arma di trabou pa e otro chauffeur envolvi den e accidente. E storia aki no ta klop y no ta berdad. E arma di e agente a base di investigacion a resulta di ta warda den kluis na trabou. Kiermen e informacion riba rednan social no ta klop. Si ta e caso cu den e oranan di marduga despues di e accidente, tabata tin posibel tiramento di sla. E dos partidonan a termina hasta dilanti di warda di Polis na Playa. Eynan e coleganan a atende mesora cu e caso. E otro chauffeur a keda insisti pa denuncia e agente Policial cu a accidenta riba dje y trate malo pa purba scapa pasobra e lo tabata bou influencia di alcohol. Na warda di Playa e superiornan di e agente tambe a wordo avisa. E agente ta traha na e Departamento Maritimo di Cuerpo Policial.
Mirando e caso, el a cana henter e proceso manera mester ta. Comisario y Alto Comisario a wordo poni na altura marduga di e caso. Nan mes a presenta pa atende cu e caso na warda. E agente a supla y a resulta cu e tabata bebi. El a wordo deteni y a keda sera marduga na Warda di Santa Cruz. Di eynan a sigui e proceso mainta pa e presenta tambe dilanti Fiscal y tambe wordo interoga pa esnan di BIZO. Marduga tambe Departamento di trafico a wordo avisa y Cuerpo Tecnico cu a presenta pa coy evidencianan di e accidente. Cu hopi seriedad e caso a wordo atendi. E agente mes tin un imagen limpi den Cuerpo Policial pero awor a haye den un situacion menos nechi pa motibo cu a dal auto bebi y sospecha pa agresion. Fiscal despues di mira e agente y atende cune a dicidi di dune libertad.
Tur cos ta mustra cu ta un accidente unda mescos cu tur otro ta atende cu e chauffeur bebi y djey ta laga nan bay. E agente te asina leu parce no ta suspendi. E no a haya schorsing ainda aparentemente. Un cos ta sigur cu mando Policial a atende e caso cu hopi seriedad for di momento cu e yamada a drenta di e incidente of accidente.
