Pa temporada di Pasco e aña aki, NAGICO kier haci mas cu simplemente desea bo un Bon Pasco. Riba 6 di december NAGICO ta lanza un campaña special pa fin di aña pa demostra su aprecio na tur fiel cliente, den forma di un cascada di premio y regalo.
Durante e simannan binidero tur dia por gana premio, manera gift certificates di gasoline, Superfood, Top 1 Toys, Penha, PriceSmart, y hopi mas. Tambe pa Pasco lo parti macuto di regalo pa varios cliente fiel di NAGICO pa yama nan danki pa tanto aña di lealtad. Y paso temporada di Pasco ta pa stima y duna, cada cliente cu participa lo ricibi un regalo.
Participacion ta facil y premio ta garantiza
E campaña ta core di 6 di december te cu 31 di december y tur cliente existente di NAGICO por participa. Unico cos cu nan mester haci ta yena e number di nan poliza di seguro via e link publica riba Facebook. E cliente lo ricibi un contesta mes ora pa confirma e premio cu el a gana. Tambe por pasa na un di e oficinanan di NAGICO pa un representante por asisti cu yenamento di e informacion necesario. NAGICO ta balora tur su clientenan y pesey a dicidi pa no rifa solamente algun premio grandi, pero pa duna cada cliente cu participa un regalo. Asina, e temporada aki ningun hende no tin mester di suerte, paso na NAGICO bo premio di fin di aña ta sigura.
Mas informacion? Bishita pagina di Facebook ‘NAGICOInsurancesAruba’ of pasa na un di e oficinanan di NAGICO.
