Durante e fin di siman aki, a gara na e aeropuerto di Brussel, tres Hulandes y un Aleman sospecha di trafico di droga.
Esaki ta segun parket Helle-Vilvoorde a divulga, e oficina di prensa Belga a informa. Lo mas tristo ta cu un anciano di 72 aña a wordo deteni diasabra ora cu el a yega Brussel for di Aruba. El a guli mas of menos un 80 bolita di cocaina. Mientras tanto el a haci escala na Santo Domingo, e capital di Republica Dominicana.
Tambe un Hulandes di 23 aña kier a biaha pa e isla Caribense aki. E tabata a punto di bandona pa Punta Cana diasabra, ora cu a haya 27 kilo di pildonan XTC den su ekipahe. Nan tabata scondi den un dubbele bodem di su dos maletanan.
Diadomingo un dama Hulandes di 24 aña a wordo aresta, net el a bin cu un vuelo for di Punta Cana. El a wordo gara cu 2 kilo di cocaina den su ekipahe. E trio, hunto cu un traficante di droga Aleman di 58 aña, cu tambe a wordo aresta e fin di siman aki, a wordo presenta dilanti huez di investigacion.
