Dialuna merdia durante control, e miembronan di Aduana a constata algo straño. Nan tabata controla un container procedente di Colombia. Den speaker a topa cu un cantidad di droga empaketa.
E speakernan tabata destina pa un persona fam R biba aki. E ta un cara hoben pero ya caba conoci. Kiermen tin un documento pa kende e speaker ta destina. Ora container yega logicamente ta laga e cacho di Aduana tambe yega. E speaker tabata tin un anti perros na dje. Kiermen e cacho no a reacciona. Asina mes Aduana a constata cu un speaker tabata falta schroef. Ta como cinco speaker nan ta. Ora ta carga procedente di Colombia tin extra atencion pa e carga. Mescos ora kier manda carga Hulanda tambe tin extra wowo.
Despues cu a topa e droga scondi den speaker, a avisa Douane Recherche y tambe Team Narcotica di Cuerpo Policial. Ta trata di un cantidad di Marihuana. Investigacion lo cuminsa pa yega na esun cu e speaker yen di droga ta destina pe. Bon trabou di Cuerpo di Aduana cu a dal un bingo durante control di e carga den e container.
