Minister Rudy Lampe a tuma nota di declaracionnan di Parlamentario Marlon Sneek, kende ta un ex alumno di dje na IPA, unda cu el a trece informacion eroneo dilanti. Na 2010, e ALV cu ta e organo mas halto di Partido Red Democratico, cu ta e reunion anual di miembro riba recomendacion di un comision cu a keda forma pa tres persona, a dicidi unanimamente di elimina un parti di e articulonan y subarticulonan cu tabata prohibi cu un hende cu ta riba lista, por bira minister.
Na 2005 tabata asina, pero na 2010 esey a wordo cambia. For di 2010, un hende cu ta riba lista di RED ta ministeriabel. E por bira minister. Na 2017, ora cu a core campaña cu zakenkabinet, a propone na tur candidato cu bo prome opcion no ta pa ta minister, pasobra un zakenkabinet kiermen cu tur hende ta experto, no politico. Di prome minister te na e ultimo minister. Pesey a acorda entre tur candidato di 2017, cu no ta aspira na prome luga pa ta minister. Pasobra ta respeta e hecho di campaña cu ta un zakenkabinet.
A ricibi di parti di sr. Gobernador e relato unda a bisa cu tanto partido MEP y partido POR no a acepta zakenkabinet, a opta pa un politiek kabinet, e ora ey e compromiso cu tabata tin di zakenkabinet a cay. Esey a habri posibilidad cu loke ta na 2010 e miembronan a dicidi cu un hende riba lista electoral di 2017 por ta minister. Na ningun momento mester a tuma retiro di partido RED Democratico. Tur lo contrario. Statuutnan ta circula cu si apunta mes un vakminister cu no tabata riba lista, e ta bira lid riba RED. Un minister ta ehecuta e programa cu cual a bay eleccion cun’e y ta bin despues den e programa di gobernacion. Un minister ta bin ehecuta su propio caprichonan. Bo ta ehecuta e programa cu cua e partido a bay eleccion cun’e. Mesun cos tambe a tuma nota cu sr. Marlon Sneek a trece otro informacion cu no ta cuadra cu loke ta motivacion di dr. Lampe como politico. El a bisa cu e no ta walk the talk, pasobra cu entre otro a bay contra overbruggingstoelage, despues a cobr’e toch. Eseynan ta asuntonan cu no ta informacion corecto na pueblo. A haci uzo di e derecho di cobra overbruggingstoelage na 2009 riba conseho di su mesun conseheronan cu a bisa cu e mes a bin cu e iniciativa di ley pa cambia e ley di overbruggingstoelage.
Den pasado e tabata manera un goldenhandshake ta haya y a bin cu un proposicion, un iniciativa di ley cu despues a bira realidad, unda cu bo ta cobra solamente 80% e prome periodo y tin cu mustra cu bo ta buscando trabao, cu bo no tin trabao, cu a cay den un bashi financiero y pa luna ta haya e suma ey cu ta coresponde na e overbruggingstoelage. Esey tabata e iniciativa di ley y e conseheronan a bisa, cu si e mes a bin cu e iniciativa di ley aki, awor aki, e mester cumpli cu e iniciativa di ley aki y cobr’e na e manera cu e mes a propone pa e ta. Esta cu e ta pa esnan cu a cay den un bashi financiero y cada luna ta cobra esaki y ta wak te na e momento cu a haya un trabao bek. E tempo ey tur hende sa cu Lampe no a logra haya trabao na Aruba y tin cu bisa y esey porta Marlon Sneek no sa, ni un cen cu el a cobra e no a uza pa su mes. El a bay pa un bon causa.
Manera cu maestro Hesus di Nazareth ta siña nos, loke bo man drechi haci, bo man robez no mag di sa. Pero nunca a publica esey pasobra esey bo no ta bisa.
A cumpli e ora cu loke cu Lampe mes a propone. Den tur aspecto ta walk the talk. Un parti importante cu e cambio grandi cu ta cumpliendo awor aki ta, RED a lanta pa bisa e A team ta keda den parlamento. E B team ta bira minister. Pasobra den partido net contrario, esunnan cu mas voto ta bira minister y esunnan cu menos voto ta drenta Parlamento. A mira cu ta esey ta ocasiona e stempelparlement. Pasobra esun cu tin menos voto ta depende di esnan cu ta haya hopi voto, no ta bay controla nan. A bisa cu ta bay inverti esey y awor ta sr. Ricardo Croes, kende ta un di e votegetternan mas grandi di Aruba, e ta den parlamento, pasobra tur e votonan cu e tin, ta dune autoridad pa bay controla Gobierno y Lampe cu tin menos voto, cu ta B-team a bay den ministerraad, y asina aki ta walk the talk. Contrario na loke sr. Sneek a bisa, RED si ta consecuente cu loke a bin ta anuncia.
Apuntamento
A warda pa loke ta e ministerionan, inclusive tabata tin pending como 4 otro persona, inclusive a acerca y tabata tin bista riba nan, dependiendo ki cartera RED lo a haya y un dado momento ora cu a bira na cla cu ta Enseñansa ta haya, dr. Lampe a sali for di mundo di enseñsa, a mira cu e tin e experticio pa e cartera aki.
