Biblioteca Nacional tin un proyecto di partnership cu Metabolic Foundation cu ta e manehadonan di Brenchis Lab (B-Lab) y FUTURA. Desde inicio Biblioteca Nacional tabata entusiasma cu e proyecto aki, pasobra nan tambe ta keep up y reinventa nan mes.
E proyecto por ta un stap pa hopi biblioteca den Caribe cu lo por tuma y cu esaki lo ta e prome cu tin un “maker space” den biblioteca. Biblioteca a percura p’e espacio, mientras cu e fundacion a yuda cu e curso y conecta diferente actor hunto. Tambe pa busca “sinergis” pa mira cu hunto por yega na e meta final.
Tur loke cu nan por siña eynan ta tur cos cu tin di haber cu “making”. Francois Croes, innovation advisor FUTURA Foundation, a bisa cu nan ta siña 3-D printing, robotics, un tiki programming, 3-D mapping.
“Varios habilidad cu nos ta considera hopi esencial pa futuro. Anos mes cu FUTURA tin e ‘mobile maker space’ cu ta un lab manera esaki pero den un bibliobus anterior,” el a bisa.
E bus ta bayendo diferente localidad y e intencion ta cu den e 2 simannan cu ta bishita localidad, e muchanan spaar interes den e topiconan aki. Tambe nan por presenta na biblioteca henter e aña 5 biaha pa siman, unda cu nan por sigui desaroya e habilidadnan cu nan a siña.
Manuel, di B-Lab di Metabolic Foundatio, ta guia e muchanan cu tin idea cu tin di haber cu diseño. Nan por yega eynan y ta guia e muchanan completamente gratis. E lab ta habri tur dia pa tur mucha y nan por pasa tur dia despues di scol desde 1:00-5:00pm.
Ta gradici Biblioteca Nacional pa nan colaboracion, un danki na Astrid Britten cu a sinta desde un inicio cu nan, pero tambe Peter Scholing, y tur esnan cu a yuda cu e proyecto aki. Un di e metanan ta pa colabora cu esnan cu tin mesun gol cu nan y pa yega na mesun resultado. Tambe ta gradici Prome Minister, kende desde e prome dia a bisa cu esaki ta algo esencial pa futuro, innovativo y ta algo cu kier siña e muchanan desde awo.
Minister di Enseñansa cu a pone recursonan disponibel y semper tin contacto cu nan y Biblioteca pa haci e proyecto posibel. Tambe tur esnan cu ta traha cu FUTURA pa por a yega na e dia aki.
