Diasabra mainta, pa mas o menos 10:00 am, a surgi un pelea formal den un cas situa den Dadelstraat. Mesora polis a sali cu urgencia pa atende e situacion. Na yegada, a pidi pa refuerso, ya cu cos tabata basta tenso y a menasa cu e lo a bay completamente fo’i man.
Aparentemente un grupo di homber a yega na dicho adres buscando un tal “Calbas” pa regla cuenta.
Motibo di e pelea no ta conoci, sinembargo daño causa na e cas tabata bastante. Polis a logra detene tres homber y a hiba nan warda.
Investigacion lo determina kico tabata causa of motibo di e invasion cu a caba den destruccion y pelea.
